गजल

गजल 

त्यति दौडिनु राम्रो जति आफ्नो तागत हुन्छ
हद भन्दा दूर पुगे फर्किन आपत हुन्छ

सत्य पनि झूट जस्तो लाग्दछ सही कुरा हो
जब जब यो दुनियाँमा झूटको बहुमत हुन्छ

बरु भालुलाई पुराण सुनाउनु ठीक होला
मान्छेको बुझ पचाउने जो आदत हुन्छ

दिउँसोमा के काम भनेर टुकी फ्याकिदियौ
रात परेपछि एकदम ठूलो मनखत हुन्छ

दुश्मनले छातीमा कुल्चिन नसके बुझ्नुस्
पिठ्युँमा प्रहार आफन्तहरू मार्फत हुन्छ

©प्रमोद निषाद